Ishte një mbrëmje plot surpriza e të papritura ajo e “Grammy Awards” që u mbajt mbrëmjen e kaluar në Los Angeles.

Të gjithë fansat sidomos ata shqiptarë prisnin me padurim të shihnin Dua Lipën në tapetin e kuq të kësaj ceremonie por mbi të gjitha të dilte fitimtare.

Pikërisht kështu ndodhi pasi këngëtarja me origjinë shqiptare nuk fitoi 1 por 2 çmime “Grammy”. E nominuar për herë të parë në këtë ceremoni të “Recoring Studios”, 23-vjeçarja e shpall këngëtarja e re më e mirë dhe kënga më e mirë dance për hitin e saj “Electricity”.

Ajo çfarë ishte më emocionuese krahas këtij triumfi ishte edhe fjalimi i saj. Teksa është ngjitur në skenë për të marrë kupën e saj Dua u shpreh se është shumë e rëndësishme që të gjithë të bëjmë maksimumin dhe të sakrifikojmë shumë për të realizuar ëndrrat tona.

“Pavarësisht se nga vini, në çfarë besoni apo çfarë të kaluare keni, mos lejoni asgjë nga këto të hyjë në rrugën e ëndrrave tuaja sepse ju e meritoni. Unë jam provë e gjallë që ju mund të bëni atë çfarë mendja juaj thotë që mund ta bëni, unë besoj tek ju” ,-tha ajo e përlotur.