Në organizim të Ambasadës së Turqisë në Mal të Zi dhe qendrës tregtare “Delta City” me 15 dhe 16 qershor do të organizohet aktiviteti “ Ditët e Turqisë në Mal të Zi”. Me këtë rast në qendrën më të njohur tregtare të Podgoricës afaristët nga Turqia do të prezantojnë prodhimet dhe ofertat e tyre. Aktiviteti ka për qëllim po ashtu promovimin dhe prezantimin e kulturës, historisë dhe artit turk në Mal të Zi. Ky aktivitet s’ka dyshim që do te rrisë edhe më shumë prezencën e Turqisë në Mal të Zi në të gjitha sferat e jetës.