Realizuam 24 emisione me vajza dhe gra me vizion dhe personalitet të krijuar, me intelektuale të guximshme.

24 të ftuara të profesioneve të ndryshme, mjeke e stomatologe, shkrimtare e poete, politikane, piktore e pedagoge, artiste me emër e famë, veprimtare dhe aktiviste të çështjes kombëtare, patriote e adhuruese të artit që i shërbejnë qëllimit të universit të drejtave të popullit tonë me botën e qytetëruar. Besojmë se edhe ju jeni të mendimit se të ftuarat tona në studio ecin me kohën dhe se kanë dëshmuar potencialin e tyre intelektual, dijet, aftësitë krijuese, talentin e mrekullueshëm, vlerat dhe virtytet e tyre. Ato ecin dita ditës me hap me kohën, sot janë gjithnjë e më shumë në numër. Sot ato nuk janë më si dikur kur femrat intelektuale tek ne njiheshin në gishtat e dorës, kur shkollimi për to bëhej gjithnjë e më I vështirë dhe kur ëndrrat e tyre mbeteshin të parealizuara …
Nuk mund te lemë pa kujtuar ato vajza trimëresha nga Ulqini e Ana e Malit, nga Kraja e Malësia, nga Plava, Gucia e Martinajt që u nisën me besim drejtë rrugës së dijes, ato që u çliruan nga vargonjtë shekullorë, ku i kishte katandisur patriarkalizmi. Dhe nuk kishte si të ndodhte ndryshe ….Ato vinin nga viset e trimëreshave siç ishte Nora e Kelmendit, Tringa Smajli dhe shumë e shumë të tjera…
Projekti që ne realizuam eksluzivisht I është dedikuar femrave te shquara shqiptare ne Mal të Zi, por me këtë rast ne do te veçojmë edhe disa personalitete në arenën ndërkombëtare që kanë ngritur emrin dhe prestigjin e popullit tonë. Kush nuk ka dëgjuar për NËNE TEREZËN- nënën e botës, bartësen e çmimit Nobel për paqe, për Inva Mulën soprano me fame botërore, po ANA Oxsa dhe aktoren Eliza Dushku Aktorja e cila luajti përkrah Robert de Niros dhe Leonardo Di Caprio-s ne filmin “Historia e një djali”, EDA ZARI apo Emina Çunmulaj modele në SHBA e lindur ne Malësi e sot e shpallur Super modele dhe ylli i revistës së famshme të foto modeleve “Elite” dhe “Vogue” në SHBA . Kemi Rita Orën, Dua Lipën, Bebe Rexhën, apo edhe Era Istrefin, hitet e të cilave janë në majat e play listave botërore të këngëve.
Pjesëmarrësve ne ciklin e emisionit tonë u shprehim falënderimet më të sinqerta dhe i urojmë në emër të ekipit te radios edhe shumë e shumë suksese të tjera në karrierën e tyre….
Ato me siguri që janë udhërrëfyese edhe për shume vajza të tjera nga anët tona…
Për realizimin e këtij projekti falënderojmë Fondin për Mbrojtjen dhe Realizimin e të Drejtave të Pakicave në Mal të Zi.