Në Organizim të Shoqatës për Promovimin dhe Zhvillimin e Ekonomisë Islame, sot në Podgoricë hapet panairi “ Montenegro Hallall Fair” i cili ka tubuar mbi 30 prodhues nga vendi dhe rajoni. Përndryshe sektori i ekonomisë islame nga dita në ditë është në zhvillim e sipër e këtë e dëshmojnë dhe përfaqësuesit e këtij panairi nga Mali i Zi , Shqipëria, Bosnja e Hercegovina, Kroacia e tj. Në kuadër të Panairit i pari i këtij lloji që organizohet në Mal të Zi, në dhomën ekonomike është paralajmëruar dhe tryeza e rrumbullakët ku eksperti kroat i kësaj fushe Aldin Dugonjiq do te flasë për industrinë hallall dhe për zhvillimin gjithnjë e më të madh të kësaj industrie, veçmas në fushën e turizmit.