Studiuesi dhe shkrimtari i mirënjohur , mik i Ulqinit , Moikom Zeqo ka ndërruar jetë sot në mëngjes në moshën 71 vjeçare duke humbur kështu betejën me sëmundjen e rëndë. Ai është autor i 62 librave me poezi, studime arkeologjike për historinë e artit si dhe një numri skenarësh për filma. Ka marrë disa herë çmimet e para për librat e tij. Krijimet e Moikom Zeqos janë përkthyer në disa gjuhë të botës. Në vitin 2007-të ishte i ftuar dhe panelist në manifestimin që e organizoi Radio Elita e rastin 510 vjetorit të qëndrimit në Ulqin të Kalorësit Gjerman -Arnold Von Harf i cili ka grumbulluar fjalë shqipe nga këto troje.