Realizuam një tjetër emision të ciklit “ Zëra dhe Gjurme” me një tjetër intelektual të Ulqinit që ka lënë gjurmë në kulturën e qytetit. Me prof. Jusuf Lika folëm për zhvillimin e fotografisë ndër dekada në Ulqin, për kuadrot e para filmike që u realizuan nga ekipe televizive. Prof. Jusuf Lika është i pasionuar pas muzikës dhe është profesor i muzikës . Udhëheq prej 25 vitesh shkollën e muzikës që është fryt i mundit të tij . Pasion tjetër i Jusuf Cufo Likës është edhe gjetja dhe grumbullimi i materialeve arkivore që flasin për të kaluarën e Ulqinit. Fal punës së tij sot e kësaj dite disa studime të rëndësishme kanë parë dritën e botimit qoftë ai autor apo në bashkëpunim me studiues të tjerë, veçmas me prof. dr. Ruzhdi Ushakun. Për Jusuf Likën do të thoshim se është mjeshtri i talentuar që me pasion dhe dashuri të rrallë iu përkushtua hulumtimit, mbledhjes, studimit dhe transmetimit tek brezat trashëgiminë folklorike të trevës së Ulqinit, si pjesë e thesarit të vyer të vlerave kombëtare. Për kontributin e dhënë në kulturën dhe artin shqiptar, ai është shpërblyer shumë herë me diploma dhe mirënjohje.
Emisioni u mundësua nga Fondi për ruajtjen dhe zhvillimin e të drejtave të pakicave në Mal të Zi.
Ndiqni emisionin e plotë, sot në me 23.07.2020 në ora 18;05 në Radio Elita – 93.9 FM si dhe në internet në linkun http://radioelita.moj-radio.stream