Në emisionin e sotëm ,,Zëra dhe gjurmë,, sjellim një intervistë me gjuetarin e pasionuar Adnan Kollari. Ai përmes një rrëfimi të bukur thotë se banorët e Ulqinit e kanë dashur historikisht gjuetinë dhe e kanë parë si pjesë të një pasioni të madh. Sipas tij gjuetia përbën një pasion të veçantë, që ndryshon nga shumë pasione të tjera, pasi është mendja që përfshihet më shumë nga të gjitha, në betejën me kafshët, një betejë e lashtë sa vetë njerëzimi. Kush merret me gjueti e di mirë se në këtë “sport – pasion” duhet të dalësh fitimtar në rrethana jonatyrale dhe në një luftë të pashpallur me kafshën e cila për shumë arsye, të justifikuara apo jo, duhet të mundet nga njeriu.
Gjatë këtij rrugëtimi në të cilin lindin edhe shumë ndjenja të tjera, si ajo e kënaqësisë, arratisjes nga e përditshmja, një dimensioni ndryshe nga e zakonshmja, gjuetarët duhet të përballen sidomos me dilemën: ta vrasësh apo ta lësh të lirë kafshën e pafajshme? Për këto dhe shume gjera të tjera, në intervistën me Adnan Kollarin. Ndiqni emisionin sot e enjte 22.10.2020 ora 18:05 në frekuencën 93.9 FM dhe në interenet.