Në ambientet e Galerisë së Qendrës për Kulturë në Ulqin u hap ekspozita ,,Edwad Lear,Britaniku që hodhi në telajo mrekullinë magjepsëse të natyrës,, Ky aktivitet i organizuar nga OJQ ,,Elita Plus- Radio Elita, kishte për qëllim të nxjerrë në pah lidhjet me botën anglosaksone dhe për të nderuar një mik të sinqertë të shqiptareve i cili shumë vjet më pare solli Evropën ndër shqiptarë dhe i bëri ata të njohur.
Të pranishëm në këtë aktivitet kulturorë ishin Kryetari i Komunës së Ulqinit z. Aleksadar Daboviq, Ambasadorja e Mbretërisë së Bashkuar në Podgoricë Karen Meddocks, zyrtarë komunal dhe artdashës që kishin ardhur për të nderuar dhe ruajtur veprën e një artisti të madh i cili na ka lënë pas një koleksion perlash të cilat janë punime dinjitoze e një thesar për trashëgiminë tonë kulturore. Kryetari Aleksandar Daboviq duke vlerësuar ekspozitën tha se ajo është edhe nje dëshmi e bukur ne qytetin e Ulqinit që mban epitetin si qytet i multikulturës dhe diversitetit. Arti sipas tij nuk njeh kufij dhe se Ulqini i mbetet mirënjohës secilit krijues qe në këtë qytet të lashtë gjen inspirim. Ambasadorja Karen Meddocks e cila në ekspozitë kishte ardhur pas dorëzimit të një donacioni shkollës fillore “Marshall Tito” përshëndeti organizatorin e këtij aktiviteti kulturor. Ajo u ndal e foli për krijimtarinë artistike të Edwar Lear dhe solli përjetime personale nga vepra e tij. Ajo vizitoi ekspozitën, pejsazhet e bukura që edhe sot e ruajnë freskinë dhe bukurinë. Një pjesë e bukur e këtij aktiviteti ishte takimi i Ambasadores me nxënësit e shkollave fillore të Ulqinit. Ata nëpërmes kartolinave i prezantuan monumentet kulturo historike, ujdhesën Ada dhe Shasin mesjetar. Ata njëzëri e ftuan ambasadoren t’i vizitojë këta lokalitete me vlera të veçanta. OJQ “Elita Plus- Radio Elita”, mendon se gjallërimi i itinerarit të piktorit Eduard Liar, përmes guidave turistike në vendet ku ai ka udhëtuar dhe ku ka lënë shënime dhe piktura, mund të jete një gjë me vlerë dhe në dobi për Malin e Zi dhe Shqipërinë si destinacione të njohura turistike.
