Komuna e Ulqinit ka nisur  punën për vendosjen e kontejnerëve në disa pjesë të qytetit. Deri tani është planifikuar që kontejnerët të vendosen në pesë lokacione, kryesisht në qendër të qytetit. Qëllimi është vendosja e kontejnerëve nëntokësorë në cdo pjesë të qytetit. Një kontejner nëntokësor mund të mbajë mbeturina sa katër kontejnerë të rregullt. Përveç faktit që qyteti duket më i bukur, mbetjet shpërndahen më pak dhe nuk përhapen aroma të pakëndshme. U bëjmë thirrje qytetarëve që të mos i hedhin mbeturinat pranë kontejnerëve, të mbrojnë mjedisin e tyre dhe në këtë mënyrë të sigurojnë një mjedis të shëndetshëm.