Në Shtetet e Bashkuara të Amerikës në moshën 82 vjeçare u nda nga jeta kirurgu i njohur nga Ulqini Dr. Bexhet Mujali.  Ai i takonte plejadës së mjekëve të parë të shkolluar shqiptar nga Ulqini. Për dekada të tëra ai punoi në spitalin e Tivarit duke u shquar për kontribut dhe përkushtim të lartë profesional dhe njerëzor në fushën e kirurgjisë. I cilësuar si mjek duarartë, ai ndër dekada gjithmonë ishte pranë pacientëve të këtyre anëve. Do të mbahet mend për profesionalizëm dhe modesti. Varrimi i të ndjerit do të bëhet në vendlindje. Radio Elita u shpreh ngushëllime famljes Mujali.