Me fillimin e muajit të shenjtë të Ramazanit, besimtarët myslimanë hyjnë në një periudhë reflektimi, përkushtimi dhe solidariteti. Ramazani është një muaj i veçantë që forcon lidhjen shpirtërore, afron familjet dhe nxit ndihmën ndaj njëri-tjetrit.
Edhe këtë vit, Radio Elita do të jetë pranë dëgjuesve të saj gjatë çdo mbrëmjeje të Ramazanit. Çdo natë, në kohën e iftarit, Radio Elita do të njoftojë besimtarët për çeljen e agjërimit përmes një programi të zgjedhur enkas për këtë muaj të bekuar. Programi do të përfshijë mesazhe urimi dhe përmbajtje të përshtatshme që pasurojnë atmosferën e iftarit. Nëpërmjet valëve të saj, Radio Elita do të sjellë qetësi, frymëzim dhe kujdes për të gjithë agjëruesit.
Le të jetë ky Ramazan një muaj paqeje, mirësie dhe begatie për të gjithë!