Qëllimi i projektit, i cili zgjat 36 muaj, është forcimi i kapaciteteve të institucioneve shëndetësore në fushën e zbulimit të hershëm, diagnostikimit dhe trajtimit të sëmundjeve malinje dhe kardiovaskulare.Projekti strategjik LIFEGATE (Lidhja e Institucioneve Ndërkombëtare për Zbulim të Hershëm dhe Qasje Globale në Trajtim dhe Vlerësim) është miratuar për financim përmes Programit të Bashkëpunimit Ndërkufitar Interreg VI-A IPA Kroaci–Bosnje e Hercegovinë–Mali i Zi 2021–2027. “Bashkimi Evropian ka ndarë rreth 2.6 milionë euro për sistemin shëndetësor të Malit të Zi përmes këtij projekti,” thuhet në njoftimin e MSH-së. Ministria e Shëndetësisë, siç është sqaruar, ka udhëhequr procesin e negociatave me partnerët dhe trupat programore, duke përcaktuar kuadrin strategjik dhe prioritetet kyçe të projektit në fushën e parandalimit dhe zbulimit të hershëm të sëmundjeve kronike.